Mucha e Nucha tráennos o seu primeiro xogo para móbiles “A casa da Conexa: A invasión de Ardebullo“. O xogo ten a temática do popular “plantas contra zombis” pero ambientado no mundo deste programa da Televisión de Galicia.
Actualización 03/11/2014: Xa está o xogo dispoñible na App Store.
Meniñeiros é unha antoloxía sobre os seres fantásticos do imaxinario galego en formato de libro electrónico. Dirixido a un público infantil de entre 6 e 8 anos, o obxectivo é achegar aos nenos e nenas as lendas da nosa tradición oral e favorecer a súa transmisión cultural.
PPSSPP é un emulador de PSP multiplataforma. A súa baza é sacar unha alta resolución (incluso en Android) daquelas texturas que dentro da pequena pantalla da PSP se representaban de forma borrosa e pouco definida. Volve gozar dos teus xogos cunha nova resolución.
Telegram da un paso adiante na localización, movendo as traducións de Android (oficial e S-edition), iPhone e a versión Web, á plataforma Transifex. Seguen implicados donatorouco e ashtophet, e súmase susobaco. Con esta, espérase unha pronta inclusión do galego, oficialmente.
Que dicir do Telegram? Logo de termos a versión web (webogram), dous clientes android (Shurgram e Galegram), e mentres esperamos a que a aplicación orixinal engada máis linguas, chega unha versión en galego para os dispositivos iPhone, iPad e iPod touch, o Teixogram.
Smart Ribeira é unha aplicación móbil de participación cidadá e difusión do concello de Ribeira, municipio de Galicia situado na costa oeste da provincia da Coruña, na comarca do Barbanza. A súa capital e núcleo urbano máis poboado é Santa Uxía.
Turismo Ribeira é unha aplicación móbil para a difusión de contido turístico de Ribeira, ofrecida polo concello de Ribeira, municipio de Galicia situado na costa oeste da provincia da Coruña, na comarca do Barbanza. A súa capital e núcleo urbano máis poboado é Santa Uxía.
Con Pandeireta PRO poderás tocar unha pandeireta na túa tablet ou teléfono cunha sensación similar á do instrumento real. Ideal para practicar en calquera momento e lugar, poderás tocar calquera ritmo: muiñeiras, pasodobres, xotas, rumbas…
Tuenti converteuse na rede social por excelencia da xuventude española. É unha rede que cativou a un rango determinado de idade, o cal explota no posible as características que lle son ofrecidas, máis sobre todo o messenger e a presenza en tempo real estea onde estea.