VisualBoyAdvance é un paso adianto do antigo VisualBoy, emulando agora a Game Boy Advancee mantendo a de Game Boy e Game Boy Color. Converteuse nun dos emuladores máis populares e adaptouse a outras plataformas, mais esta versión está detida (pero segue sendo do mellor).
Donkey Kong, é un videoxogo que saíu no 1981 primeiro nas recreativas. Somos “Jump Man” (non tiña nome, os usuarios alcuñárono así, máis adiante será Mario), e temos que ascender por distintas plataformas para rescatar a Pauline no máis alto delas, evitando os atrancos e barrís de Donkey Kong.
The Goonies 2, videoxogo baseado no filme The Goonies, lanzado no Xapón en 1987 (Europa, 1988). Céntrase en Mikey. Os Goonies foron raptados polos Fratellis e Mikey deberá rescatar aos seus seis amigos e liberar a unha serea chamada Annie.
The Lion King (O Rei León) é un videoxogo de plataformas con vista lateral, editado no 1994 para as consolas do momento, Mega Drive e Super Nintendo (con diferenzas técnicas entre eles). Controlamos ao pequeno Simba a través dos escenarios do filme ata converterse en adulto e enfrontar a Scar.
Soccer é un videoxogo deportivo para Nintendo Entertainment System, editado no Xapón en 1985 (1987 en Europa). Conta coas seleccións de Brasil, España, Francia, Alemaña, Inglaterra, Xapón e Estados Unidos. Forma parte da Sport Series da NES.
Probotector (“Operation C” en EUA, “Contra” en Xapón) é un xogo do 1991 de correr e disparar (run & gun) creado por Konami e lanzado para Game Boy, sendo a primeira versión para portátiles da saga Contra, tendo uns gráficos similares ás versións Contra e Contra C da Nintendo Entertainment System.
Project64 é un emulador da Nintendo 64, consola do ano 1996 (1997 en Europa). A experiencia de xogo é unha delicia e un total entretemento con sabor orixinal para os posuidores dunha N64: gran compatibilidade de xogos, boa emulación de gráficos, configuración de mandos, incluso vibración.
Ice Climber, videoxogo de plataformas en vertical lanzado no Xapón en 1985 para a NES (en Europa no 1986). Manexaremos a un esquimó que deberá subir montañas martelando contra os pisos superiores para abrir fendas polas que subir.
Super Mario Bros., videoxogo de plataformas deseñado por Shigeru Miyamoto, lanzado no Xapón en 1985 (Europa, 1987). O xogo describe as aventuras dos irmáns Mario e Luigi, personaxes que xa coñecemos no xogo de recreativas “Mario Bros.” de 1983.
Zelda II – The Adventure of Link é un videoxogo lanzado no 1987 para Nintendo Entertainment System, segundo da saga, e secuela directa de “The Legend of Zelda”. Sae pouco despois do primeiro xogo, pero desta vez, optouse por un troco no sistema de xogo, que non gustou aos fans da saga.